Đoković nakon što se plasirao u polufinale Geneve: “Hvala vam svima što ste došli po ovako hladnom danu”

I. Ć.

Najbolji teniser svijeta Novak Đoković plasirao se u polufinale ATP turnira u Genevi pobjedom nad Tallonom Griekspoorom sa 2:0. Po setovima je to bilo 7:5 i 6:1. 



Djeluje da Novak igra sve bolje kako odmiče turnir, i u ovom duelu je bilo problema, naročito pred kraj prvog seta, ali je Srbin našao način da ih prebrodi. Po završetku susreta, Đoković je iznio utiske o drugoj pobjedi u Genevi.

Odlična pobjeda. Mislio sam da bi prvi set mogao da ode za njega, jer je bio bolji igrač većinu prvog seta. Imao je tri set lopte, 4:5 i 0:40, tako da je meč mogao da ode u sasvim drugom smjeru”, kaže Novak.

Od tog momenta je odigrao u dobro poznatom maniru.

Imao sam sreću da pronađem dobre servise na tim set loptama. Od tada sam zaista odigrao odličan tenis. Malo mi je pomogao sa greškama, ali sam odigrao jako dobar drugi set. Hvala vam svima što ste došli po ovako hladnom danu, lijepo je vidjeti vas”, obratio se Novak publici koja ga je pozdravila ovacijama.

U polufinalu Geneve, Novak Đoković će igrati protiv Tomasa Machaca, koji je prethodno savladao Alexa Michelsena.




Povezano