Košarkaši Crvene zvezde savladali su ekipu Partizana u trećoj utakmici finalne serije ABA lige i samim tim uspjeli da zakažu i četvrtu na istom mjestu u dvorani “Aleksandar Nikolić” za dva dana. “Crveno-bijeli” odigrali su daleko kvalitetnije u drugom poluvremenu i samim tim slomili gostujući tim – 91:78.
Ključan za seriju Crvene zvezde na ovom meču bio je Nemanja Nedović, zahvaljujući kojem su “crveno-bijeli” stekli presudnu dvocifrenu prednost na kraju utakmice, a koja je bila nedostižna za Partizan.
Poslije meča je na konferenciji za medije Duško Ivanović je rekao da smatra da će sljedeći meč biti najteži.
Iskoristili smo prvu utakmicu na našem terenu i naš pristup igri je bio drugačiji. Imali smo agresivnost koja nas je krasila u odbrani. U prve dvije utakmice to nismo imali, izgubili smo bili. Iz utakmice u utakmicu igramo pomalo bolje. Znamo sigurno da će ova četvrta utakmica biti najteža u seriji i zato moramo biti spremni”, rekao je Ivanović.
