Bijesni navijači Evertona jurili su automobil u kojem je bio napadač “Karamela” Anthony Gordon. Everton je u teškoj krizi, u subotu je od njih na Goodison Parku bio bolji i “loši” Southampton koji je odnio bodove pobjedom od 2:1.
Tako je Everton sa 15 bodova sada ispred njih samo na gol razliku, na 19. mjestu. Trener Frank Lampard je pred otkazom, a navijači su bili van sebe poslije desetog ligaškog poraza.
Kada je grupa Evrtonovih huligana spazila Gordona u vozilu u jednoj od okolnih ulica u blizini stadiona, pojurila je za njim vrijeđajući ga.
Na videu se može vidjeti kako navijač trči niz ulicu kako bi stigao Gordona. Spisak uvreda koji mu je tom prilikom izrekao je poduži, da bi mu na kraju dobacio “gubi se iz našeg kluba”.
Na drugom dijelu videa može da se vidi kako Gordon usporava s vozilom dok grupa policajaca pokušava da rastjera navijače, koji su van sebe od bijesa. Situaciju možete pogledati ispod:
Everton narednu utakmicu u Premier ligi igra na gostovanju kod West Hama.
