Zamjerio Lessortu i društvu: Legendarni trener žestoko o igračima koji napuštaju Partizan

Legendarni košarkaški trener Bogdan Tanjević izuzetno je ljut zato što strani košarkaši napuštaju Partizan poslije osvajanja titule u ABA ligi i odlične sezone koju imaju iza sebe.

Čovjek koji je prvi u bivšoj Jugoslaviji donio trofej prvaka Evrope u klupskoj konkurenciji kada je odveo Bosnu do samog trona, oglasio se na Twitteru, gdje je vrlo aktivan.

 (A u ruka Mandušića Vuka bit će svaka puška ubojita)… Veliki Žoc, nauči ih kako se koristi sopstveni talenat, oni, pred 20 hiljada navijača ljube dres, iz ljubavi prema klubu, poslije nađu veću KESU, raziđu se, a Žocu ostave priliku “da se dokazuje”. Veliki Željko. Čak ni on, ne može svake godine poroditi dva muška blizanca… Iako… A u ruke Mandušića Vuka biće svaka puška ubojita”, napisao je čuveni Boša, ali se tu nije zaustavio, već je postao još oštriji:

Partizanovi ”Vagnerovci” u bježaniji prema Zapadu, negdje su oko Zidanog Mosta već, sjećaju se dana, kad su ljubili dres, pred vjernih 20 hiljada navijača… (Ljubav, kako to gordo zvuči).”

Na kraju je dodao da iz njega govori ipak navijač.

Žao mi je što sam se ovoliko ostrvio na igrače koji su napustili Partizan, jer vjerujem da bi iduće godine izbjegli sudbonosnu grešku one ”tuče” u Madridu, što ih je koštalo, možda i titule (psihologija navijača, što sam u ovom trenutku)”, napisao je bivši selektor Italije sa kojom je bio prvak Evrope 1999. godine.

Podsjećamo da je Mathias Lessort već prešao u Panathinaikos, da je pitanje trenutka kada će biti ozvaničen prelazak Kevina Puntera u Barcelonu, dok se spekuliše o odlascima Zacha LeDaya, Yama Madara i Dantea Exuma iz Partizana.