Košarka

Partizanu težak, ali vrlo bitan trijumf protiv Cedevite u ABA ligi: Padali i rekordi u “Štark Areni”

Košarkaši Partizana su slavili protiv Cedevita Olimpije sa 110:102, u meču 21. kola ABA lige, čime su upisali i izuzetno važan trijumf protiv direktog rivala za drugo mjesto u ABA ligi. Tim Željka Obradovića poslije ovog duela ima skor 15-6, dok je tim iz Ljubljane na 14 pobjeda i sedam poraza.


Partizan je jako raspoloženo ušao u meč, “crno-bijeli” su s lakoćom igrali u napadu, dok je odbrana malo trpjela zbog nonšalatnosti. Kažnjavala je to Cedevita Olimpija, ali slovenačka ekipa jednostavno nije mogla da sačuva ništa pozadi.

Zbog toga, ekipa Željka Obradovića je postigla čak 42 poena u prvih 10 minuta, čime su postavili i rekord ABA lige.

Nije tu stao Partizan, nastavili su u istom ritmu i jedni, ali i drugi, pa je viđena i druga četvrtina poprilično raspucana. Opet su pogađali svi, ali je sada Cedevita Olimpija bila nešto bolja u napadu, međutim, do kraja ovog dijela igre, Partizan je uspio da obori i još rekord.

“Crno-bijeli” su došli do 70 poena poslije 20 minuta, što je novi rekord ABA lige i u ovoj kategoriji.

Treća dionica je bila i onako dosta ujednačenija, Cedevita Olimpija je prijetila s vremena na vrijeme, ali Partizan je lako uspjevao da pronađe rješenje. Kada god bi slovenačka ekipa pokušala da se približi, kada bi se približila, onda bi “crno-bijeli” odgovorili.

U nekoliko navrata je Cedevita Olimpija prišla i na pet poena zaostatka, ali bi Partizan i tada uspio da se vrati na dvocifrenu prednost.

Posljednja dionica je počela sa 10 poena prednosti u korist Partizana, ali je u jednom momentu Cedevita uspjela da se vrati serijom od 8:0, da bi onda meč prelomili sjajni Kevin Punter i Danilo Anđušić.

Najefikasniji na meču bio je Danilo Anđšić sa 23 poena, 15 je dodao Aleksa Avramović, 13 Kevin Punter, a Bruno Caboclo je stao na 11. Kod Cedevita Olimpije se istakao Zoran Dragić sa 22 poena, Stjuart je dodao 15, Šaškov 13, a Omić 12.


I. Ć.

Recent Posts

Prekinut pobjednički niz Tottenhama: Leeds osvojio ključna tri boda

Leeds United je na stadionu Elland Road ostvario vrijednu pobjedu od 1:0 protiv Tottenham Hotspura,…

3 days ago

Haaland zadao završni udarac: Manchester City preživio gostovanje u Leipzigu

Manchester City je ostvario teško izborenu pobjedu od 3:2 protiv RB Leipziga na Red Bull…

6 days ago

Lens 1–9 Como: Italijanska ekipa priredila historijsko razbijanje u Ligi prvaka

Como je pružio jednu od najizvanrednijih partija u ovoj sezoni Lige prvaka, deklasiravši Lens u…

6 days ago

PSG deklasirao Villarreal sa 6:0: Francuski prvak pružio fantastičnu partiju u Ligi prvaka

Paris Saint-Germain je pružio spektakularnu partiju na stadionu Estadio de la Ceramica, deklasiravši Villarreal sa…

7 days ago

Yamal i Raphinha predvodili Barcelonu do uvjerljive pobjede nad Aston Villom

Barcelona je na stadionu Camp Nou ostvarila impresivnu pobjedu od 3:0 nad Aston Villom, vrativši…

7 days ago

Nevjerovatan gol Kerima Alajbegovića donio Juventusu pobjedu protiv Napolija

Juventus je ostvario važnu pobjedu od 2:0 protiv Napolija na stadionu Allianz, osiguravši tri vrijedna…

1 week ago