Crvena zvezda pala u Milanu nakon sporne odluke u samom finišu utakmice

Fudbaleri Milana pobijedili su Crvenu zvezdu u 6. kolu Lige prvaka na San Siru sa 2:1 poslije veoma sporne odluke u posljednjim momentima meča.

Milan je poveo nakon što je Rafael Leao postigao gol u 42. minuti, da bi Nemanja Radonjić izjednačio u 67. minuti spektakularnim pogotkom.

U 87. minuti Milan je ponovo poveo, ovog puta preko Tammyja Abrahama, koji je postigao gol nakon karambola u kaznenom prostoru “crveno-bijelih”. Neposredno prije gola Engleza Matteo Gabbija je možda i napravio faul nad Urošem Spajiću, ali i nakon reakcije VAR-a on nije poništen.

Ali, idemo redom…

Igrala je Crvena zvezda dobro od samog početka meča i prva šansa došla je u 8. minuti kada je ka golu Milana šutirao Uroš Spajić, ali je lopta otišla daleko od gola protivnika.

Zatim je minut kasnije Ivan Guteša bio dobro postavljen kod pokušaja Tijjanija Reijndersa. Odmah nakon toga u 14. minuti smo vidjeli još jednu odbranu Guteše koji je bio bolji od Rafaela Leaa pošto je on izašao sam pred golmana Zvezde.

Najveća šansa za Zvezdu došla je u 17. minuti utakmice. Andrija Maksimović je nakon odbitka u kaznenom prostoru pogodio prečku, a uslijedio je šut Seola i ovo je bila ogromna prilika za Zvezdu.

Imao je Milan problema u prvom dijelu, morao je trener Paulo Fonseca da izvrši dvije prinudne promjene, ali je ipak na poluvreme otišao sa vodstvom.

Nakon što je Mimović otišao sa mjesta desnog beka kako bi izvršio presing, Milan je poslao dugu loptu ka Leau i Silas na vrijeme nije pokrio Mimovića, te je to Portugalac iskoristio i postigao gol za 1:0.

Potpuno druga Zvezda je izašla u drugom poluvremenu. Pritiskali su gosti u naletima. Gužvu je prvo napravio Maksimović, a onda šutirao Ivanić u 52. minuti. Ipak, neprecizno i ostalo je tada još uvijek 1:0.

Milan je u 54. minuti prekinuo napade Zvezde i odmah bio blizu drugog pogotka, ali je u posljednjem trenutku šut Abrahama blokirao štoper Zvezde Naser Djiga.

“Crveno-bijeli” su bolju igru u drugom poluvremenu iskoristili u 67. minuti, kada je Radonjić sa 16 metara preciznim udarcem savladao golmana Milana.

Priliku da Zvezdu dovede u vodstvo imao je Ivanić u 78. minuti, nakon odličnog dodavanja Silasa u kazneni prostor. Ivanić je na kraju šutirao iskosa, a lopta je završila pored gola.

U nastavku italijanski tim dolazi do pobjede. Prvo je u 86. minuti Francesco Camarda glavom pogodio prečku, da bi u nastavku akcije do odbijene lopte pred golom došao Abraham i donio sva tri boda Milanu.

Ostaje žal za ovim porazom jer Zvezda nije zaslužila da izgubi ovaj meč.